domingo, 4 de diciembre de 2016

Bulegoa itxita - Oficina cerrada

Adi! Hilabete honetan bi ostiraletan baino ez dugu zabalduko.
Gauzak horrela, hona hemen datozen asteetako egunak:

Abenduak 9 - Itxita
Abenduak 16 - Zabalik
Abenduak 23 - Zabalik
Abenduak 30 - Itxita
Urtarrilak 6 - Itxita

Urtarrilak 13tik aurrera zabalik egongo gara ostiralero...
Barkatu eragozpenak eta animo!!!


Atención! Este mes no abriremos la oficina más que dos viernes.
Por tanto, asi serán los viernes:

9 diciembre - Cerrado
16 diciembre - Abierto
23 diciembre - Abierto
30 diciembre - Cerrado
6 enero - Cerrado

A partir del 13 de enero la oficina abrirá todos los viernes...
Disculpad las molestias y animo!!!

Errekalde auzoko Etxarri gaztetxea hustu du poliziak


Poliziaren dozena bat furgoi joan dira gaztetxearen ingurura, eta Bilboko udaltzainak barruko materiala eraman dutela salatu dute gazteek. Ehun bat auzotar eta gazte egon dira begira. "Gehiegizkoa" izan da poliziaren presentzia. Ez da istilurik egon, baina gazteek salatu dute borraz jotzeko saialdiak egon direla. 09:00 aldera iritsi dira indar errepresiboak, eta ordu hartan ez zegoen inor gaztetxe barruan.

Bilboko Udaleko iturriek BERRIA-ri esan diote Udaltzaingoaren operazioa izan dela. Segurtasun Sailetik azaldu dutenez, Ertzaintza "segurtasuna gordetzeko" joan da soilik. Udaleko ordezkarien esanetan, gaztetxean ekintzak egiteko behar diren segurtasun neurriak ez betetzeagatik hartu da ixteko erabakia. Neurri horien faltaz hainbatetan ohartarazi dietela esan du udalak, baina "ez dute kasurik egin".

Gazteak Iñaki Karro abokatuarekin lanean dabiltza, salaketa jartzeko, gaztetxea "legez kanpo" hustu dutela iruditzen zaielako. Udalak ixteko agindua eman duela esan du, baina, esan duenez, Polizia hura husten ari da.

Bilboko Udalak datorren urterako aurrekontuak onartzeko ezohiko osoko bilkura zegoen goizean. Aitziber Ibaibarriaga EH Bilduko zinegotziak itxiera salatu izan du hitza hartu duenean, eta EAJri eta PSEri egotzi dei gertatutakoa. Udalberrik ere salatu du hustutzea.

Goizean Errekaldeko gazteak Bilboko udaletxera joan dira, elkarretaratze bat egiteko asmotan. Istiluak izan dira eraikina babesten zeuden ertzainekin; oldartu egin da Polizia. Gazte talde batek barrura sartzea lortu du, baina bost minuturen buruan atera egin dituzte.

Iluntzean manifestazioa burutu da Errekaldeko plazatik nahiz eta polizien furgonetaz josita egon auzoa. Asko izan dira elkartasuna erakutzi dutenak. Polizia manifestazioa eten du errepide erdian, Kukutza desalojatu zutenean sarraskia egin zuten leku berean. 3 manifestari arbitrarioki identifikatu eta gero plazan bertan bukatu da mobilizazioa.

viernes, 4 de noviembre de 2016

Elkartasun gaua egingo dute azaroaren 12an Zorrotzan, Makala II gaztetxeko auziperatuen alde

Barakaldoko hamabi gazte epaituak izango dira azaroaren 17an, Makala II gaztetxearen okupazioagatik usurpazio delitua leporatuta. Zorrotzako gaztetxean egingo dute elkartasun gaualdia, Obsesion Fatal eta Kaotikoren kontzertuekin.

Azaroaren 17an Barakaldoko hamabi gazte epaituko dituzte 2014ko irailean Makala 2 Gaztetxea okupatzeagatik, usurpazio delitua leporatuta. Fiskaltzak 21.600 euroko zigor ekonomikoa eskatzen die auziperatuei, eta isun horri aurre egiteko, Elkartasun Gaua prestatu dute Barakaldoko gazteek: azaroaren 12an Zorrotzako Gaztetxean Kaotiko eta Obsesion Fatal taldeen kontzertuak eskainiko dituzte, baita gau osoan zehar arituko den DJ-a ere.

Sarrerak aurrez 8 euroan eros daitezke Barakaldoko Carpe Diem pub-ean eta Bilboko Muga tabernan. Bertan erosteko aukera ere egongo da, 10 euroren truke. Lortutako etekin guztiak isuna ordaintzeko erabiliko dituzte. Okupazioa sustatu eta elkartasuna pizteko deia egin dute gazteek: "21.600 arrazoi 12ak absolbitzeko".

lunes, 31 de octubre de 2016

Gaztetxe eta gazte asanbladen topaketak prestatzeko batzar orokorra egingo dute larunbatean Errekaleorren

11:00etan hasiko dute bilkura, Errekaleorreko gaztetxean. Otsailean egingo dituzte Gaztetxe Topaketak, Iruñean, eta horiei begira lan ildoak proposatzeko eguna izango dute larunbatekoa.


Joan den urtean Oñatin egindako topaketak positibotzat hartuta, aurten ere egingo dituzte Euskal Herriko Gaztetxe eta Gazte Asanbladen Topaketak. Aurtengo topaketa Iruñean egin nahi dute, otsailean, eta hori prestatzeko batzar orokorra egingo dute larunbat honetan, azaroak 5, Gasteizko Errekaleor auzo askeko gaztetxean.

Topaketen egitaraua gaztetxe eta gazte asanbladen proposamenekin osatuko dutenez, larunbaterako lan ildoak proposatzeko galdegin diete hala nahi duten gaztetxe eta gazte asanbladei. Hiru ildo badituzte jada, halere, proposamen gisa: autodefentsa, harremanak eta bizitzarako esparruak. Oñatiko topaketen bilduma ere kaleratu dute. Hemen irakurgai.


Gaztetxe eta gazte asanbladen oharra:

Uda amaituta, aurtengo Gaztetxe Topaketak antolatzeko dinamika martxan jarri dugu. Horretarako deialdi orokor bat luzatu nahi diegu Euskal Herriko Gaztetxe eta Gazte Asanblada guztiei; baita ere Gaztetxeen inguruan ikuspegi autogestionarioarekin lanean diharduten kolektibo-talde-proiektu ezberdinei. Aurtengo Gaztetxe Topaketak antolatzeko batzar orokor hori Errekaleorren ospatuko da, azaroak 5ean, larunbata, goizeko 11:00etan bertako gaztetxean.

Aurten, Topaketen egitaraua gaztetxe eta gazte asanbladen proposamenekin osatuko da; hau da, bakoitzak ze esparrutan lanean dabilen edo hasi nahi duen zehaztu eta topaketak lan ildo horien garapena bermatuko duen marko bezala baliatuko ditugu. Hortaz, azaroak 5eko batzarra proposamen zehatz horiek jasotzeko momentua izango da. Erreferentzia moduan hiru lan ildo orokor proposatu genituen udaberrian:

- Autodefentsa. Eskuratzen ditugu espazio eta bitartekoak babesteko tresnak.

- Harremanak. Gure artean eraikitzen ditugun harremanen kudeaketarako lan ildoa: generoa, botere harremanak, horizontaltasuna...

- Bizitzarako esparruak. Ekoizpen eta sorkuntzarako bitartekoak eskuratzeko eta garatzeko lan ildoa: elikadura (nekazaritza, arrantza...), hezkuntza, musika, etxebizitza, mekanika...

- Bestelakoak. Aurreko hiru ildotan lekurik ez daukaten proposamenak.

Gaztetxe edo gazte asanbladaren batek, arrazoi ezberdinengatik, ez badu bere burua gai ikusten proposamen zehatzak egiteko, ez dadila arduratu; hori ere abiapuntu bat da eta lekua dauka azaroak 5eko batzarrean zein topaketetan.

Amaitzeko, aurtengo topaketak Iruñean ospatuko dira otsaila aldera (oraindik zehazteke dago data zehatza).

P.D.: Azaroak 5eko batzarraren ondoren Errekaleorren bazkaltzeko aukera egongo da, beraz, bertan bazkaltzera geratuko denak lehenagotik abisatu beharko du ortuondogaztetxea@gmail.com emailera mezua idatziz

viernes, 14 de octubre de 2016

12 gazte epaituak izango dira Makala II Gaztetxearen okupazioagatik

Azaroaren 17an Barakaldoko 12 gazte epaituak izango dira, Makala II Gaztetxearen okupazioagatik. Ertzaintzak 12 gazte hauek, 2014ko irailean identifikatu zituen, Makala II Gaztetxean egindako asanblada irekian. Fiskaltzak guztira 21.600€ isuna eskatu du, usurpazio delitua egotzita. Makala II Gaztetxeak azpimarratu du azken bi urteetan egindako lana auzoa eta beste sistema baten alde: hitzaldiak, tailerrak, jardunaldiak… eta gaztetxea kolektibo ezberdinek biltzeko erabili dutela. Gainera salatu du lotsagarria dela etxeak eta lokalak utzik egotea, etxebizitza beharrak dauden bitartean, legala izan arren.

Datozen hilabeteetan epaiketa hau salatzeko hainbat mobilizazio eta ekimen egingo dituzte, horien artean azaroaren 17an kontzentrazioa egingo dute goizeko 09:00etan epaitegien aurrean.


Makala II Gaztetxearen oharra:

Azaroaren 17an 9:30ean Barakaldoko 12 gazte epaituak izango gara. 2014ko irailean Ertzaintzak Makala II gaztetxean identifikatu gintuen, gaztetxea martxan jartzeko lehenengo asanbladan geundela. Hala, Fiskaltzak usurpazio delitua leporatu eta guztira 21.600€-ko isuna eskatzen digu. Badakigu, 12ak espazio autogestionatuen kontrako errepresioaren beste adibide bat baino ez garela. Haien legalitatetik kanpo jarduteagatik zigortuak. Makala II gaztetxea okupatu zenetik ehunka izan gara espazio hori erabili dugunak. Ordutik, bertan, hainbat ekimen antolatu ditugu: hitzaldiak, tailerrak, kontzertuak, jai tematikoak, asanbladak… Horrekin batera, egunero, astero, herriko hainbat erakunde zein kolektibok erabiltzen dute gaztetxea. Barakaldon gaztetxea beharrezkoa eta garrantzitsua dela erakusten du horrek eta epaiketa ondoren hura uzteko behar gaitzaketela ohartarazi eta salatu nahi dugu.

Lotsagarria da abandonatutako espazioak berreskuratzeagatik zigortzea, jabetza pribatua babestearen aitzakiapean. Are gehiago haietan ikuspegi gazte eta antikapitalista batetik proiektu komunitarioa sortzegatik. Legala bai, baina bidegabea da. Bere aldetik, udal agintariek (dela PSOE, dela PNV) etxebizitza duinaren eta lokal autogestionatuen aldeko aldarrikapenak hormatu eta uzteko behartzen gaituzte. Horren adibide ditugu Alhondigako familiak. Legala bai, baina irrazionala da, hain zuzen ere haiek defendatzen duten sistemak eragin baitu milaka lokal eta etxebizitza hutsik egotea. Hain justu, haien politikek bihurtu gaituzte betiereko bekario, ikasle, beltzean kobratzen duten partikularretako irakasle, langabetu, zapaldu…, eta hain justu halako egoeran gauden 12 gazteri eskatzen dizkigute 21.600€! Legala izango da bai, baina lotsagarria.

Legala bai, eta? Ez dugu etsiko, legalak izan arren bidegabekeriei aurre egiteko betebeharra dugulako. Emakumeon bozka eskubidea, 8 orduko lanaldia edota greba eskubidea ez ziren unean uneko legaltasuna onartuz lortu. Historiak emandako irakaspen hori gaur egungo aldarrikapen justu guztientzat baliagarria dela uste dugu. Hori dela eta, elkartasuna adierazi eta 12 gazte hauen absoluzioa aldarrikatzeko eskatzen diogu Barakaldoko herriari, gazteriari, lonjetako koadrilei, erakunde kultural, sozial eta politikoei... Baita urria eta azaroan antolatuko ditugun ekintza eta hainbat jardueratan parte hartu dezaten, besteak beste, azaroaren 17an goizeko 09:00etan Barakaldoko Justizia Jauregian egingo den kontzentrazioan. Zuen inplikazioa beharrezkoa dugu, honi eta datozen bidegabekeriei aurre egiteko. Bertan ikusiko dugu elkar!


martes, 30 de agosto de 2016

Irailaren 9an berriro zabalik!

Munduko okupak, jakin badakigu gu barik ezin duzuela bizi, eta Ekoetxeako atean jendetza biltzen ari dela...
Mesedez, dispertsa zaitezte! Hamar bat opor egun geratzen zaizkigula!

Hori bai, irailaren 9an, betiko ordutegian (18:00-20:00) bueltan izango gaituzue indarrez beteta, eta hortik aurrera barikuero ordutegi berean, Ekoetxean (Pilota Kalea 5 - Bilbo).

Ointxarte ;)


Okupas del mundo mundial, sabemos que no podeis vivir sin nosotras, y que se estan agolpando multitudes a las puertas de la Ekoetxea...
Por favor, dispersense! Todavia nos quedan unos diez dias de vacatas!

Eso si, para el 9 de septiembre nos tendreis de nuevo con las pilas cargadas, en el mismo horario de siempre (18:00-20:00), y a partir de ese dia todos los viernes os atenderemos gustosamente, en la Ekoetea (calle Pelota 5 - Bilbo).

Hasta ahora ;)

miércoles, 15 de junio de 2016

Deskantsatzera goaz! - Nos tomamos un descansico!

Bilboko Okupazio Bulegoan oso gogor egin dugu lan aurten, eta neke neke eginda gaude...
Eta uda eguzkitsu eta iraultzailea izatea espero dugunez, kaleetara goaz berataz gozatzera.

Gauzak horrela, bariku honetan ekainak 17, zabaltzen dugun azkena izango da; irailaren 9an berriz ere zabaltzeko (horren alferrak gara gu).

Hala ere, ixten den gauza bakarra bulego fisikoa izango da. Behar duzunerako okupaziobulegoa@gmail.com helbidera idatzi eta ahal bezain laster erantzungo dizugu.

Uda polit eta eraginkorra opa dizuegu!
Aurrera!


En la Oficina de Okupación de Bilbao hemos trabajado duro este año, y estamos agotadas...
Y como esperamos que el verano venga muy soleado y muy revolucionario, nos vamos a las calles a disfrutarlo.

Asi, este viernes 17 de junio será el último y hasta el 9 de septiembre no volveremos a abrir (somos asi de vagas).

Aún asi, lo que cierra solamente es la oficina física, por lo que nos podeis escribir a okupaziobulegoa@gmail.com y responderemos en cuanto podamos.

Os deseamos un verano bonito y productivo!
Animo pues!

Gaztetxea okupatu dute Hendaian

Sei urteko borrokaren fruitua jaso du Hendaitz Gazte Asanbladak gaztetxea eraikitzeko etxe huts bat okupatuz. Proiektu autogestionatuetan sinesten duen oro deitu dute egitasmoan parte hartzera.


Larunbatean urrats garrantzitsua eman zuten Hendaiako gazteek: etxe huts bat okupatu eta gaztetxea eraikitzen hasi ziren. Okupazio hau egiteko hainbat arrazoi eman dituzte: herriko gazte gehienek bizitzako jarduera gehienak herritik kanpo egiten dituztela, ez dutela elkar ezagutzen, ez dutela proiektu bateraturik. Horrek ekartzen dituen arazoak ikusita sortu zen 2011n Hendaitz, Hendaiako Gazte Asanblada.

Hala ere, urteak daramatza Hendaiako gazte mugimenduak lanean. Hendaitzen aurretik azken asanblada Bazen Garaia izan zen, hauek ere okupazio bat egin zuten. Jada hiru urte pasa dira proiektua herriko etxean lehen aldiz aurkeztu zutenetik. Geroztik, behin baino gehiagotan bildu dira, baina erantzuna beti bera izan da: lokalik ez dagoela. “Aste honetan bertan izandako azken bileran ere, argi utzi dute gauzak aurreratzeko duten gogo eskasa.”

Honen aitzinean, etxe huts bat okupatzea erabaki dute. Orio auzoan dagoen etxe hutsa berreskuratu eta bizia eman nahi diote, jakinik, gainera, Itsas Ospitalari etxe hau gaixoen familiak laguntzeko utzi zitzaiola eta funtzio hau ez zuela inoiz bete. Nolanahi ere, ez dute herriko etxearekin harremanak hausteko inolako intentziorik. Orain, lehen bezala, hitz egiteko prest agertu dira gazteak.

Larunbatean eguna auzolanean pasa zuten. Polizia eta herriko hautetsi bat joan arren, denbora gutxi pasa zuten kalean, eta laster gazteek aurreikusitako egitarauarekin jarraitu zuten. Hurrengo egunetan antolatuko dituzten ekintzetan parte hartzera deitu dute proiektu autogestionatu batean sinesten duen oro.

Hendaitz Gazte Asanblada:
Facebook
Twitter

Hendaiako Gaztetxea zein Euskal Herriko gune autogestionatu guztien mapa ikusteko:
Okupazioaren Mapa

Zorionak ba Hendaiako herriari!!!

miércoles, 4 de mayo de 2016

Errekaleor auzo askea ezagutzeko aukera izango da larunbat honetan

'Errekaleor ezagutu' ekimena ospatuko dute larunbat honetan Gasteizen. Auzo askea eta proiektua bera ezagutarazteko helburuarekin egun osoko egitaraua antolatuko dute.

Goizeko 11:30ean hasita kalejira egingo dute Andra Mari Zuriaren plazatik Errekaleorrera. Egun osoan zehar auzo askeaz gozatzeko parada izango da azoka, umeen txokoa, zinema, dantzak eta musika emanaldi ezberdinekin.

jueves, 21 de abril de 2016

Gazte Eguna antolatu dute Leioako Udondo Gaztetxean zapatu honetarako

Zapatu honetan, apirilak 23, Gazte Eguna antolatu dute Leioako gazteek. Egun osoko egitaraua prestatu dute Udondo Gaztetxean. Bilboko Okupazio Bulegoa bertan egongo da ere, arratsaldeko hitzaldian.

Beraz, animatu eta hurbildu zaitez Leioara.

Udondo Gaztetxea non dagoen jakiteko, "Gune Okupatuen Mapa"n bila dezakezu.

martes, 5 de abril de 2016

Igande honetan alternatiba besarkatuko dute Iruñako Txantrea auzoan

Txantreako Emantzipazio Bulegoak iganderako deialdia zabaldu du, zenbait ekimen iragarriz.

Igande honetan, apirilak 10, etxebizitza eskubidea eta hau lortzeko alternatibak aldarrikatuko dituzte Iruñako Txantrea auzoan.

11:00etan txikigunea izango da Felix Plazan
12:30etan kalejira txaranga eta mozorroekin, leku beretik
13:15etan ekitaldia eta bermuta Goizueta kalean

Beraz, anima zaitez parte hartzera!

Txantreako Emantzipazio Bulegoko webgunea ikusi

Deialdi moduan honako bideoa egin dute:



Proiektua ezagutzen ez baduzu, hemen behean Sin Ir Mas Lejos telesailean egindako elkarrizketa daukazu. Baita geroxeago horri buruz atera zuten umore-esketxa ere:



jueves, 17 de marzo de 2016

Martxoaren 25ean bulegoa itxita egongo da

Udaberriko ekinozioa hor bertan dago, eta oporrak hartzeko garaia izaten da guretzat. Beraz, martxoaren 25ean bulego fisikoa itxita egongo da.

Hala ere, bihar, martxoak 18, zabalik egongo gara. Eta bueltan izango gaituzu berriz ere apirilaren 1ean, pilak kargata betiko ordutegi eta lekuan:
Barikuero 18:00-20:00
Ekoetxean, Pilota Kalea 5
Bilbo

Egongo gara!!!


El equinoccio de primavera esta aqui mismo y lo solemos utilizar para descansar un poquito. Asi que la oficina fisica se mantendrá cerrada el 25 de marzo.

Pero que no panda el cunico... Este viernes, 18 de marzo, estaremos para atenderte. Y el 1 de abril nos tendrás de vuelta para lo que necesites, en el horario y lugar de siempre:
Todos los viernes 18:00-20:00
Ekoetxea, Calle Pelot 5
Bilbo

Nos vemos!!!

lunes, 22 de febrero de 2016

Okupazio Topaketak izango dira asteburu honetan Txirbilenean

http://www.txirbilenea.org/eusk/

Erabilerarik gabeko espazio bat okupatu dute Leioako GKZ fakultateko ikasleek

Beraien ikasketa beharrizanak asetzeko eta eraldaketa nahiak gauzatzeko lekua sortzeko asmoa dute. Aisialdia eta formakuntza uztartuz, klase "zapaltzaileen" hezkuntza sistema eta baloreen aurka egin nahi dute.


Fakultateko botere harremanak borrokatzeko modu bat bezala ikusten dute espazio huts horren okupazioa. Ikasleen mesedetan eraiki nahi dute gunea, ikasketa kolektiboaren bidez hezkuntza kritikoari lekua eginez. "Lehiakortasunaren aurka eta lankidetzaren alde egingo dugu, patriarkatuaren aurka eta parekidetasunaren alde, jabetza pribatua borrokatuz eta kolektiboa eraikiz".

Jakinarazi dute hasiera batean espazioaren birmoldaketan eta unibertsitate eremuko autoritateen erasoak erantzuten egin beharko dutela indar gehien. Halere, hasieratik hasiko dira dinamikak gauzatzen, eta dagoeneko aste honetarako antolatu dituzte auzolana, musika eta poesia emanaldia, dokumentalak, eztabaidak, ikasle bazkariak eta beste hainbat ekintza. Espazio bizia eraikitzeko ezinbestekotzat jotzen dute inguruko jende guztiaren ekarpena, eta azaldu dute fakultateko zein unibertsitateko ekimen herrikoiek espazio berrian arte hartzeko aukera izango dute.

Lehen lauhilekoan, ikasle mugimenduak galdeketa bat egin zuen Leioako Campuseko Gizarte eta Komunikazio Zientzien fakultatean. Ondorioetan ikusi dute ikasleriaren gehiengoak behar duela ikasleek beraientzat eraikitako espazio autogestionatu bat. Nahi hori praktikan jartzeko jauzia egin dute gaurkoan.

Bideo honen bidez azaldu dute espazio berrian zer egin nahi duten:

martes, 16 de febrero de 2016

Heldu da Gaztetxe eta Gazte Asanbladen arteko topaketen data!!!

Heldu da eguna! Otsailaren 19, 20 eta 21ean Oñatiko Antixenan Euskal Herriko gaztetxe eta gazte asanbladen topaketan izango dira.

Okupazio Mugimenduarekin zerikusia duen antolakunde ororentzako galduezineko topaketak izango dira. Bertan elkar ezagutu eta elkar partekatuko ditugu guztion beharrak eta kezkak, baita gauza asko argitzeko parada.

Beraz, ez aitzakirik bilatu eta zuen antolakundeko delegaritza bidali bai ala bai... Ez zarete damutuko!
Bertan ikusiko dugu elkar!

viernes, 29 de enero de 2016

KRML Bizirik proiektua aurrera ateratzeko, Udalari elkarlanerako borondatea eskatu diote

Joan den zapatuan prentsaurrekoa egin zuten KRML Bizirikeko kideek Udalarekin harremanetan direla jakinarazi, eta orain arte egindakoaz berri emateko. Auzolanean eraikina atontzen aritu dira azken asteetan, eta dagoeneko ludoteka, liburutegia, frontoia eta jantoki eta aldageletako espazioak martxan dituzte.


Hortaz aparte, Udalak eskatuta aurreko astean espazioaren erabilera zehaztuko duen akordioa adosteko ordezkariekin batzartu zirela ere jakinarazi zuten. Ondorio argi batera iritsi direla adierazi dute: “Bi aldeek borondatea izanez gero, proiektua aurrera atera daiteke”. Bestalde, hainbat adibide mahai gainean jarri zirela jakinarazi dute. Besteak beste, Iruñeko Udalak utzi berri dituen lokalak eta Gernikako Astra. Gaineratu dute elkarrizketek ez dutela etengo orain arte egindako lana.

KRML Bizirikeko kideek aldarrikatu zuten Bilbo solidario, parte hartzaile eta sozialagoan sinesten duten eragileen indarrak batzeko unea dela. Deia luzatu zieten adin, sexu, jatorri eta interes ezberdineko herritarrei Karmelo ikastolako espazioari ekarpenak egiteko.

Bi urte abandonatuta egon ostean, azaroaren 14an Karmelo Ikastolako eraikina berreskuratu zuten, “auzoarentzat eta auzotarrentzat proiektu alternatibo eta herritarra” sortzeko. Azaroan zehar Bilbo eta inguruetako 60tik gora eragilerekin elkartu ziren, eta abenduaren 12an egin zuten lehen batzarra proiektuaren noranzkoa, helburuak eta filosofia zehazteko. Ordutik hona, astero 30 pertsona inguru aritu dira eguneroko zereginak kudeatzen.

Oir entrevista en Info7 Irratia

Bizkaia Irratian egindako elkarrizketa entzun

jueves, 21 de enero de 2016

Euskal Herriko gaztetxe eta asanbladen topaketako egitaraua aurkeztu dute

Otsailaren 19, 20 eta 21ean egingo dute Oñatiko Antixenan Euskal Herriko gaztetxe eta gazte asanbladen topaketa, eta antolatu dituzten ekintzen berri eman dute. Bi ildo nagusi bereizi dituzte: asanbladak eta alternatibak.

Gaztetxe eta gazte asanbladek izan ditzaketen arazoei aurre egiteko tresnak sortu nahi dituzte topaketan. Horixe izan da Durangoko Sorginola eta Bilboko 7Katu gaztetxeetan egindako asanblada irekietan adostu dutena. Horretarako, bi lan ildo nagusi zehaztu dituzte: alternatibak eta asanbladak. Lehenengoari dagokionean, gune autogestionatuetan sortzen den bestelako aisialdi eredutik haratago joan eta bizitzako beste hainbat esparrutan sistemari pitzadurak sortzeko egon litezkeen aukerak aztertu nahi dituzte. Asanbladen ildoan, aldiz, galdera hauek jarriko dituzte mahai gainean: "Harreman parekideak al ditugu asanbladan? Belaunaldi aldaketak nola kudeatzen ditugu? Harreman horizontalagoak lortzeko bidean, nola ari gara? Guetto izaera nola ekidin dezakegu?".

Erasoen aurrean, erresistentzia

Bestetik, topaketa aprobetxatu nahi dute azkenaldian gaztetxeen aurka egiten ari diren erasoak salatzeko: "Gazteon zapalkuntzaz probesten direnen aurrean, gazteon ahalduntzerako eta bestelako bizi eredu bat sortzeko ezinbesteko bitarteko direlako erasotzen dituzte gaztetxeak". Jakinarazi dute kanpaina bat jarriko dutela martxan, eta topaketako manifestazioa izango dela horren abiapuntu. Salaketaz gain, erresistentzia tailer praktikoak ere egingo dituzte: ikuspegi juridikoa, komunikatiboa eta fisikoa landuko dute

jueves, 7 de enero de 2016

Euskal Herriko gune okupatuen mapa berria eta Gaztetxe Gida plazaratu dira egun berean

Bilboko Okupazio Bulegoak, Euskal Herriko gune okupatuen eta autogestionatuen, edo okupazio mugimendurako interesgarriak diren guneen mapa interaktiboa egin du.
Bide berean, Topatu.eus-eko lagunak Gaztetxe eta Gazte Asanbladen Gida eguneratu du.


Mapa ikusteko, zabaltzeko edo webguneetan "inkrustatzeko" klikatu hemen

Gaztetxeen Gida ikusteko klikatu hemen

Bi helbururekin sortu dira:

1) Gaztetxe eta gazte asanbladak bistaratzeko. Aurrera eramaten ditugun autogestio proiektu mordoa dago Euskal Herrian, eta garrantzitsua iruditzen zaigu horiekin guztiekin argazki orokor bat osatzea.

2) Gune horietan aurrera eramaten den eskaintza alternatiboa antolatzen laguntzeko. Kontaktuak guztion eskura izateak erraztu egin lezake sortzaileen eta gaztetxeen arteko harremana.


Beraz, bi tresna ezberdin berri dauzkazue eskura gaurtik aurrera. Bata gune fisikoei begira (mapa), bestea pertsonei begira (gida). Biak modu kolektiboan elikatzeko eta eraikitzeko dira. Gauzak horrela denon laguntza beharko dugu benetako tresna eguneratua eta eraginkorra izan dadin. Zure laguntza eskatzen dugu berez.


Zelan lagundu dezakezu?

Gune okupatuen MAPA:
Mapa berria ikuskatzea eskatzen dizugu. Txarto dagoen zeozer aurkituz gero, guneren bat egun desagertuta badago, edo berriren bat badago, idatziguzue okupaziobulegoa@gmail.com helbidera eta eguneratuko dugu.

Gaztetxe eta Gazte Asanbladen GIDA:
Zuen Asanblada Gidan agertzen ez bada, edo egon arren, eduki zaharkituak badaude: bidali eguneratu beharreko informazioa eta argazki berriak koordinazioa@topatu.eus helbidera.


Beraz, aprobetxa ditzagun gure baliabideak. Zabaldu informazio hau, plazaratu, komentatu...
Guztion artean egingo dugu!

lunes, 4 de enero de 2016

Bueltan gatoz! Bariku honetan zabalik

Neguko solstizioa pasa da eta pilak birkargatu ditugu. Beraz, bariku honetan berriz ere izango gara prest zure kexkak argitzen saiatzeko.

Betiko ordutegian eta betiko lekuan aurkituko gaituzu:
Barikuero, 18:00etatik 20:00etara, Bilboko Ekoetxean (Pilota Kalea 5)

Zure zain egongo gara!


Ya ha pasado el solsticio de invierno y ya hemos cargado las pilas. Asi pues, este viernes volvemos para tratar de aclarar las dudas que tengais.

Estaremos donde siempre y en el horario de siempre:
Todos los viernes, de 18:00 a 20:00 en la Ekoetxea de Bilbo (c/Pelota 5)

Te esperamos!